Ghazals India

LYRICS

Some Couplets from Jam-e-Jam

Tasveer mohabbat ki kya khoob nazar aayee,
Ik aalam e sehra thaa ik aalam e tanhayee.
Ab khwab na dekheinge humne to qasam khayee
Kya aap ko khwabo[n] ki tabeer nazar aayee.

divider

Dil ye hamara dil nahi[n] saara jahaan hai
Kishwar ye wo hai jiski zamee[n]aasmaan hai
Kaliyon mein tujh se rang hai phoolon mein tujh se boo
Tu ai faraz raunaq e bazm e jahaan hai

divider

Ke jab se ghamon ki shab aayee hui hai
Sitaron ne mehfil sajaayee hui hai
Mohabbat mein hi chot khayee hui hai
Ye shai to meri aazmayee hui hai

divider

Khilwat ko ik sukoot mila anjuman kei baad
Deewana soo e dasht chala thaa chaman ke baad
Ik husn e bepannah mila pairahan ke baad
Koi bhi raaz khul na saka hai badan ke baad

divider

Kiya hai mayil e parwaaz jab rihayee nei[n]
Buna hai daam zamaney ki be wafayee ne
Kahi[n] sikha na diye ho[n] tumhee ko lafz ba lafz
Naye fareib ke andaaz paarsayee ne

divider

Koi sooraz utar gaya hoga
Koi manzar bikhar gaya hoga
Aaj nargis pei qatra e shabnam
Aaj gulshan nikhar gaya hoga

divider

Mai[n] bhula doo[n] tujhe mere liye mushkil to nahi[n]
Maine jaana tu mere pyar ke qabil to nahi[n]
Kyo[n] safeenei ko hava saath liye jaati hai
Jiska gumnaam thikana mera saahil to nahi[n]

divider

Kirdaar bhi hai[n] apnei apnee hi ye kahani
Kis ke qalam ne likhee hai meri zindagani
Har koin chal raha hai makhsoos raastey pe
Halaat apne apne ghairo[n] ki tarjumani

divider

Masoom gunaho[n] ki saza thee azaab mei[n]
Kya mil gaya usei dil e khaana kharaab mei[n]
Kya aisa bhi koi hai jo ke bewafa na ho
Tehreer ho chuki hai ye dil kee kitaab mei[n]

divider

 


New Releases
spacer